Gaze për Shuarjen e Zjarrit
Në rast të shpërthimit të një zjarri, duhet të fillojnë operacione të shpejta për shuarjen e zjarrit për të kufizuar masën e dëmtimit. Kur bëhet fjalë për shpërthim zjarri në një shtëpi ose në pyll, uji ka rezultuar një agjent i përshtatshëm për shuarjen. Por, në rast se shpërthen zjarr në një dhomë ku mbahet një server ose arkiva, uji do të shkaktonte më tepër dëme. Prandaj, po përdoret një qasje alternative në shuarjen e zjarrit. Sistemet e shuarjes së zjarrit me anë të përdorimit të gazeve janë metodat e zgjedhura kur rrezikohen pajisje me vlerë ose objekte të tjera të ndjeshme ndaj ujit. Në këtë aspekt, gazet për shuarjen e zjarrit mbrojnë objektet me vlerë në dy mënyra; ato parandalojnë dëmtimin e shkaktuar nga zjarri dhe uji. Parimi i përgjithshëm i gazeve për shuarjen e zjarrit është shuarja e djegies për shkak të largimit (zhvendosjes) të oksigjenit.
